Profil

Sebat Mawon Si Jum

 Wanita Atlit Ingkang Asring Juara

Getih atlit ingkang mili wonten ing raganipun wanita ayu inggih ingkang kagungan asma Jumi’ati nggadhahi prestasi-prestasi ingkang ngremenaken. Biasanipun wanita klairan Banjarnegara, 27 November 1992 menika dipun undang Si Jum. Kathah prestasinipun wonten ing babagan olahraga inggih Si Jum menika dados atlit mlayu. Prestasinipun  Si Jum dipun pikantuk minangka tasih manggon wonten ing bangku SMP.

Jaman SD bakatipun Si Jum dereng ketingal menawi saged mlayu, nanging wonten SMP menika Si Jum milai labet ketingal bakatipun. SMP Negeri 1 Banjarmangu menika papam wiwitipun Si Jum dados juara-juara. Juara ingkang dipun pikantuk menawi tasih wonten bangku SMP inggih menika Juara I Lompat Jauh tingkat Kabupaten, Juara II Lari 200m tingkat Kabupaten, Juara I Lompat Jauh tingkat Provinsi minangka POPDA, Juara I Lompat Jauh lan Juara III Lari 100m minangka PORKAB. Angsalipun Juara menika wonten manfangatipun inggih Si Jum menika saged nglajengaken sekolah wonten SMK kanthi mboten mbayar.

Kepenginanipun Si Jum sekolah wonten SMA kanthi bebas biyaya keturutan. Lumantar Pak Mansur minangka guru olahraganipun utawi pelatihipun atlit SMP menika Si Jum nglajengaken sekolah wonten SMK Cokroaminoto 2 Banjarnegara mboten medalaken biyaya sepeserpun. Amargi SMK Cokroaminoto 2 Banjarnegera menika salah satunggaling sekolah ingkang ngutamakaken perkawis olahraga.

Si Jum saged ketampi wonten SMK Cokroaminoto 2 Banjarnegara amargi panjenenganipun nggadhahi kathah sertifikat minangka juara-juara Lompat Jauh, Lari,  saha juara-juara Lompat Jangkit. Mboten namung sertifikat kemawon ingkang dados syarat menika. Nanging syaratipun Si Jum kedah saged nerasaken prestasinipun anggenipun mlayu saha ulet anggenipun latian mlayu supados saged pikantuk juara-juara malih ingkang ngremenaken. Lajeng menawi SMK menika Si Jum nggih tasih ndherek lomba-lomba malih, inggih pikantuk juara malih kadosta Juara I Lompat Jangkit lan Juara II  Lompat Jauh tingkat Kabupaten, Juara II Lompat Jangkit tingkat Provinsi.

Wanita ingkang dipun lairaken pasangan Bapak Ibu Maryanto menika seneng sanget saged nglajengaken sekolah ngantos dumugi SMK. Amargi menawi Si Jum mboten Juara anggenipun mlayu menika mboten saged nglajenganken. Ingkang dadosaken Si Jum mboten saged ngaljengaken SMK inggih menika babagan biyaya. Tiyang sepuhipun asiling makarya menika naming cekap kangge dhahar sedinten-dinten. Bapakipun nyambut damel buruh wonten sabinipun tiyang-tiyang (buruh tani), lajeng Ibunipun menika sadean bubur (dhagang) wonten pasar saben enjing.

“Alhamdulillah sanget anak kula saged nglajengaken SMK kanthi mboten mbayar” calathu Ibunipun kepengker. Ibu Maryanto minangka tiyang sepuhipun Si Jum seneng amargi saged sekolah tingkat inggil mboten medalaken biyaya, namung tiyang sepuhipun saben dintenipun tasih maringi sangu kangge sekolah. Si Jum menika tergolong tiyang ingkang narima, mboten kados siswa liya-liyane ingkang nggadhahi sangu luwih artonipun. Si Jum menika sangunipun namung pas-pasan kangge mbayar transport, menawi jajan menika piyambakipun artonipun saking guru atlitipun menawi piyambakipun latian inggih dipunparingi arto sangu.

Sangu menika mboten dadosaken Si Jum mboten mlebet sekolah. Piyambakipun sekolah ingkang wigati menika gadhah arto kangge mbayar bis menika sampun seneng. Wiwit kelas X dumugi kelas XII menika ulet sanget anggenipun latian mlayu. Mboten namung wonten sekolahan anggenipun latian, ananging wonten griya inggih tasih latian. Menawi sonten menika, kinten-kinten sakbibaripun ashar piyambakipun latian mlayu-mlayu saking griyanipun dumugi margi cerak dusunipun. Dados Si Jum mboten namung latian wonten sekolahan, wonten griya menika ugi latian.

Nalika SMK menika Jumi’ati ugi gadhah kagiyatan malih sabibaripun sekolah, mboten namung latian. Jumi’ati menika gadhah penghasilan inggih ngelesi bocah SD ingkang nyuwun dipun ajari pelajaran matematika. Asiling ngelesi menika saged kangge sangu tambahan anggenipun piyambakipun sekolah.

Jumi’ati menika ugi mbiyantu tiyang sepuhipun wonten griya, inggih sakderengipun pangkat sekolah Si Jum mbiyantu ibunipun damel bubur lajeng ndherekaken Ibunipun wonten Pasar. Inggih mbektakaken barang-barang ingkang dipun ginakaken sadean bubur wonten pasar enjing. Sanajan makaten mboten dadosaken Si Jum telat sekolah, piyambakipun mlebet sekolah tetep gasik.

Keteladan saha keuletan Si Jum menika patut kangge tuladha. Semangat anggenipun sekolah inggih saged kangge tuladha, sanajan namung putranipun bapak-ibu ingkang saking kaluwarga biasa ananing tetep semangat anggenipun sekolah. Semangat anggenipun latian mlayu menika inggih ngremenaken.

Saksampunipun Si Jum lulus sekolah SMK, piyambakipun nglamar kerja wonten Jakarta amargi mboten saged nglajengaken sekolah malih. Asiling nyambet damel menika wonten ing PT SMT, saben asinipun dipun kirimaken dhumateng tiyang sepuhipun. Asiling anggenipun Si Jum nyambet damel saged mbiyantu tiyang sepuhipun saben sasinipun. Saged kangge mbiyantu ndandosi griya tiyang sepuhipun.

Sampun setaun anggenipun Jumi’ati nyambet damel wonten Jakarta. Si Jum mudik wonten asalipun, mboten dangu piyambakipun dipunlamar dening Misran inggih salah satunggaling priya ingkang dados tetangganipun. Lajeng saksampunipun dipun tampi lamaranipun Si Jum tetep pangkat malih wonten Jakarta amargi tasih gadhah kontrak nyambet damel. Nanging dereng telas kontrakipun Si Jum resign amargi badhe nikahan kaliyan Misran. Saksampunipun nikahan Si Jum menika mboten nyambet damel malih, piyambakipun wonten griya kemawon dados ibu rumah tangga.

Si Jum menika manggen wonten Dukuh Winong, Dusun Silambur, Desa Kesenet Rt 03 Rw IV, Kecamatan Banjarmangu, Kabupaten Banjarnegara, Jawa Tengah. Jumi’ati menika anak kaping 2 saking 3 saudara. Suyatno minangka kangmasipun lan  Dika menika adikipun. Suyatno menika yuswanipun 25 taun, piyambakipun namung sekolah dumugi SMP lajeng nyambet damel dados rewang wonten ing toko. Penghasilan saking kangmasipun menika kangge nyekapi kabetahan kaluwarganipun. Menawi Dika adikipun sakmenika tasih alit, inggih tasih sekolah wonten PAUD.

Saking prestasi-prestasinipun, kadosta Juara POPDA saha Juara POPNAS menika dadosaken Si Jum menika dipun kenal dening kathah tiyang. Kayata wonten ing sekolahanipun inggih guru-guru SMP, guru-guru SMK, kanca-kancanipun ugi masarakat ingkang wonten ing sakiwa tengene inggih sami muji Jumi’ati. Amarga putra ingkang kalairaken saking kaluwarga ingkang biasa, ingkang Bapakipun buruh tani saha Ibunipun dagang wonten pasar menika saged sekolah ngantos dumugi SMK. Lajeng ketekunan menika mboten namung wonten sekolahan, wonten griya inggih piyambakipun sregep mbiyantu tiyang sepuhipun. Dados dipun tepangi dening masarakat utawi tangga sakiwa tengenipun bilih Si Jum menika bocah ingkang nggadhahi semangat ingkang ngremenaken.

Mboten namung lingkunganipun Si Jum ingkang remen, nanging tiyang sepuhipun ugi remen. Minangka Si Jum tiyang sepuhipun mboten saged nyekolahaken ngantos dumugi SMK nanging berkat prestasinipun menika saged nglajengaken SMK kanthi mboten mbayar. Lajeng saksampunipun lulus menikateras nyambet damel lan artnipun wonten ingkang dipun kirimaken wonten tiyang sepuhipun. Makaten putra ingkang dados remen tiyang sepuhipun, asiling makarya mboten namung kangge piyambak nanging tiyang sepuhipun dipun paringi.