Do'a Panutup Farmasi CUP 2013 Wonten Ing GOR UNY

Farmasi CUP inggih menika adicara tetandhingan olahraga taunan ingkang dipunadani dening Fakultas Farmasi UGM saha dipunsengkuyung dening fakultas-fakultas kesehatan saking warni-warni Universitas wonten ing Daerah Istimewa Yogyakarta saha Jawa Tengah. Adicara menika dipunadani kanthi ancas kangge njalin silaturahmi saking fakultas-fakultas kesehatan saha ugi kangge njagi kebugaran.

Farmasi CUP menika dipunadani wiwit taun 2011 wonten ing Gelanggang Mahasiswa UGM. Taun salajengipun inggih taun 2012 menika Farmasi CUP dipunadani wonten ing GOR Kridasana. Cabang olahraga ingkang dipunwontenaken inggih menika basket putra, basket putri, fultsal putra saha futsal putri. Sistem pertandingan wonten ing adicara olahraga menika inggih sistem CUP. Sistem CUP inggih menika gabungan saking sistem poin, wonten ing babag penyisihanipun kanthi grup saha sistem gugur wonten ing babak salajengipun ngantos dumugi babak final.

Farmasi CUP 2012 menika tasih wonten perkawis, kadosta cacahipun tim ingkang mboten jangkep kuotanipun, supporter ingkang namung dipundominasi kaliyan tuan rumah, saha fasilitas ingkang kirang. Dipunkajengaken bilih Farmasi CUP salajengipun menika cacahipun tim ingkang nderek tanding menika langkung kathah saha superter kangge ngregengaken adicara menika.

Wonten ing penyelenggaran Farmasi CUP 2013 menika ngalami ewah-ewahan, inggih menika beda perluasan regional kompetisi saking regional DIY-Jateng menika dados Jawa-Bali. Wonten ing taun ketiga menika, tetandhingan badhe dipunadani wonten ing GOR Amongraga.

Sanesipun menika ugi badhe dipunwontenaken closing ceremony wonten ing GOR UNY ingkang dipunregengaken kaliyan konser musik.

Panitia Farmasi CUP, Grimaldi Juuniku Lestari ngendika bilih awit sampun pungkasipun final menika, Farmasi CUP saestu pungkas. Kados ingkang sampun dipunrencanakaken puncaking panutupan kejuaraan menika sampun dipungelar wonten ing GOR UNY Sabtu, 14 Desember 2017 kanthi bintang tamu menika Sheila on 7, The Finest Tree, The Kndang lan sasanesipun. Dene tiket mlebet menawi ningali konser menika inggih Rp. 15.000,- minangka festival, Rp. 35.000,- minangka tribun saha Rp.55.000,- minnagka VIP. Adicara closing ceremony menika ingkang dipunadani wonten GOR UNY menika wiwit tabuh 16.00 WIB dumugi tabuh 24.00 WIB.