Komisi Pemilihan Umum Kabupaten
Banjarnegara, nyoret 1.094 nama pamilih amargi mboten jangkep saratipun
sewatara sampurnaning daptar pamilih ajeg. Gugus Risdaryanto minangka Pangarsa
KPU Banjarnegara, dinten Senen (20/10/2014) ngandharaken bilih saksampunipun
dipunlampahi anggenipun nyoret pamilih ingkang mboten jangkep saratipun, saged
dipunpendhet dudutan bilih cacahipun pamilih ingkang ajeng menika inggih
755.202 pamilih.
Cacahipun pamilih kanthi rinci
inggih menika, cacahipun pamilih ingkang estri inggih wonten 374.203 tiyang
saha pamilih ingkang kakung cacahipun 380.999 tiyang. Gugus minangka Pangarsa
KPU Banjarnegara ngandharaken bilih Nama ingkang dipuncoret menika amargi
sampun tilar donya saha kacatet mboten namung setunggal, inggih wonten ingkang
kacatet wonten ing provinsi sanes saha ugi wonten ingkang kacatet wonten ing
kecamatan sanes, nanging cacahipun menika mboten sakedhik.
Miturut Gugus, sawetara anggenipun
nyamaptakaken daptar pamilih ajeg, panjenenganipun menika ngawontenaken
ancang-ancang kanthi nyuwun PPS saha PPK kangge ngrembag babagan pamilih ingkang
mboten namung satunggal (ganda). “Asiling sampurnaning daptar pamilih ajeg
menika sampun dipunparingaken dhateng partai politik saha Panwaslu”
andharanipun Gugus. Nglajengaken bilih
sampun dipunlampahi anggenipun nyoret minangka 1.094 pamilih ingkang saratipun
mboten jangkep, ananging tasih dipunlampahi anggenipun nyamaptakaken daptar
pamilih ajeg dumugi 25 Maret 2014 kanthi ngecek daptar pamilih ajeg kanthi
rutin.
Tidak ada komentar:
Posting Komentar